0

پشین کے رہائشی میں کانگو وائرس کی تصدیق، بھائی اور والد کانگو اور کرونا سے جاں بحق ہوئے

پشین: ضلع پشین کی تحصیل برشور کے رہائشی میں کانگو وائرس کی تصدیق ہو گئی ہے۔

تفصیلات کے مطابق برشور کے رہائشی محمد بصیر میں کانگو وائرس کی تصدیق ہو گئی ہے، ڈی ایچ او کا کہنا ہے کہ متاثرہ نوجوان کا بھائی بھی کانگو وائرس سے زندگی کی بازی ہار گیا تھا، جب کہ والد سید نور بھی کرونا وئرس کا شکار ہو کر دم توڑ گئے تھے۔

کانگو وائرس سے متعلق محکمہ صحت بلوچستان نے جائزہ رپورٹ جاری کر دی ہے، ترجمان محکمہ صحت کا کہنا ہے کہ بلوچستان میں کانگو وائرس کے مزید 2 کیسز رپورٹ ہوئے ہیں۔

ترجمان محکمہ صحت کے مطابق گزشتہ 24 گھنٹوں میں 22 ٹیسٹ کیے گئے جن میں 2 پازیٹو جب کہ 20 کی رپورٹ منفی آئی ہے، 25 اکتوبر سے اب تک صوبے میں کانگو وائرس کے 21 کیسز رپورٹ ہوئے ہیں، اور متاثرہ مریض فاطمہ جناح اسپتال میں زیر علاج ہیں۔

Comments

کیٹاگری میں : صحت

اس خبر پر اپنی رائے کا اظہار کریں

Leave a Reply