0

ممنوع سرنجز کی فروخت کے سلسلے میں مارکیٹ سروے

اسلام آباد: ڈریپ نے ممنوعہ روایتی سرنجوں کی تیاری اور فروخت کا نوٹس لیتے ہوئے مارکیٹ سروے کی ہدایت جاری کر دی ہے۔

تفصیلات کے مطابق نگراں وزیر صحت ڈاکٹر ندیم جان نے ممنوع روایتی سرنجوں کی فروخت کا نوٹس لے لیا، انھوں نے متعلقہ حکام کو ممنوعہ روایتی سرنجوں کے خلاف ملک گیر کارروائیوں کی ہدایت کر دی ہے۔

روایتی ممنوعہ سرنجوں کے خلاف ایکشن کے لیے صوبائی ڈریپ دفاتر کو مراسلہ بھی ارسال کیا گیا ہے، ترجمان ڈریپ کا کہنا ہے کہ ڈاکٹر ندیم جان کی ہدایت پر ممنوعہ سرنجوں سے متعلق ایک مارکیٹ سروے شروع ہو رہا ہے۔

ڈاکٹر ندیم جان نے کہا ہے کہ ڈریپ نے فیلڈ دفاتر، صوبائی محکمہ صحت کو ہدایات جاری کر دی ہیں، روایتی سرنجوں کا بار بار استعمال کیا جا سکتا ہے، جو ہیپاٹائٹس، ایڈز جیسی متعدی بیماریوں کے پھیلاؤ کا باعث بن سکتی ہی، ممنوعہ مصنوعات کی تیاری اور فروخت میں ملوث عناصر کے خلاف سخت کارروائی ہوگی۔

ڈریپ کا کہنا ہے کہ ملک بھر میں جعلی و غیر قانونی ادویات کے خاتمے کے لیے مربوط حکمت عملی تشکیل دی گئی ہے، جس کے تحت نیشنل ٹاسک فورس ملک بھر میں چھاپے مارے گی۔

Comments

کیٹاگری میں : صحت

اس خبر پر اپنی رائے کا اظہار کریں

Leave a Reply