0

رواں سال پنجاب کے عوام کیلئے آٹے کی قیمت تاریخ کی بلند ترین سطح پر پہنچ گئی

پنجاب حکومت نے سرکاری گندم سے تیار کئے جانے والے 10کلو آٹے کے تھیلے کی 1374 روپے ایکس مل قیمت مقرر کر دی۔

عوام کو 10کلو آٹے کا تھیلا 1399 روپے کے لگ بھگ ملے گا جبکہ ایک کلو آٹا 139.90روپے میں ملے گا۔رواں سال کے لئے پنجاب حکومت نے ایک من گندم کی قیمت 4700روپے مقرر کی ہے۔

گزشتہ سال پنجاب حکومت نے سرکاری گندم کے اجرائی نرخ 3مرتبہ مقرر کئے تھے پہلے ایک من گندم کی اجرائی قیمت 1765روپے مقرر کی گئی جس کے مطابق 10کلو آٹے کی قیمت 525روپے کے لگ بھگ مقرر کی گئی۔

اس کے بعد نظر ثانی کر کے ایک من گندم کی اجرائی قیمت 2300روپے فی من مقرر کی گئی،اس کے مطابق 10کلو آٹے کی قیمت 650روپے مقرر کی گئی۔

اس کے بعد ایک مرتبہ اور نظر ثانی کر کے ایک من گندم کی اجرائی قیمت 3900روپے مقرر کی گئی جس کے مطابق 10کلو آٹے کے تھیلے کی قیمت1158روپے مقرر کی گئی تھی۔

قیمتوں کے جائزے سے واضح ہوتا ہے کہ رواں سال کے لئے پنجاب کے عوام کے لئے آٹے کی قیمت تاریخ کی بلند ترین سطح پر پہنچ گئی ہے۔

اس خبر پر اپنی رائے کا اظہار کریں

Leave a Reply