0

ٹیکس نظام کی بہتری کیلئے نگراں وزیراعظم کا بڑا حکم جاری

اسلام آباد : نگران حکومت نے ٹیکس وصولی کے اہداف کو پوار کرنے کیلئے مزید اقدامات پر عمل درآمد کا فیصلہ کیا ہے۔

اے آر وائی نیوز کی رپورٹ کے مطابق نگران وزیراعظم انوارالحق کاکڑ کی زیرصدارت ایف بی آر کی کارکردگی بہتر بنانے سے متعلق اجلاس منعقد ہوا۔

اجلاس میں نگران وزیرخزانہ، مشیر وزیراعظم احد چیمہ، چیئرمین ایف بی آر ودیگر افسران نے شرکت کی اس موقع پر نگران وزیراعظم کو ٹیکس نیٹ وسیع کرنے اور ٹیکس سسٹم کو ڈیجٹلائز کرنے پر بریفنگ دی گئی۔

اجلاس میں فیڈرل بورڈ آف ریونیو (ایف بی آر) کی ری اسٹرکچرنگ کے حوالے سے مختلف تجاویز بھی زیر غور آئیں۔

اجلاس سے خطاب کرتے ہوئے نگران وزیراعظم نے کہا کہ محصولات کسی بھی ملک کی معیشت میں ریڑھ کی ہڈی کی حیثیت رکھتے ہیں۔

انہوں نے کہا کہ ٹیکس نظام میں بہتری کے لئے جدید ترین ٹیکنالوجی کا استعمال ناگزیر ہوگیا ہے، اسمگلنگ کے کنٹرول کے لئے پچھلے دنوں کافی اہم اقدامات کیے گئے۔

نگران وزیراعظم کا کہنا تھا کہ اداروں کو اسمگلنگ کے سدباب کیلئے مزید تندہی سے کام کرنا ہوگا، ایف بی آر کارکردگی بہتر بنانے کیلئے تمام اسٹیک ہولڈرز سے مشاورت کی جائے اور ایک جامع لائحہ عمل پیش کیا جائے۔

Comments

اس خبر پر اپنی رائے کا اظہار کریں

Leave a Reply