پنجاب کے مشیرِ کھیل وہاب ریاض نے ہاکی اولمپئن زاہد شریف سے ملاقات کی۔
اس موقع پر وہاب ریاض نے کہا کہ کھیل سے جڑے تمام ہیروز ہمارے ملک کی شان اور پہچان ہیں اور زاہد شریف صاحب نے ملک کا نام عالمی سطح پر روشن کیا ہے۔
وہاب ریاض نے کہا کہ پنجاب اسپورٹس انڈونمنٹ میں ویٹرنز کے لیے خصوصی پیکج موجود ہے، پنجاب حکومت کی جانب سے ان کے لیے ماہانہ 35 ہزار روپے وظیفے کا اعلان کیا ہے۔
انہوں نے کہا کہ مشکل وقت میں ہم سب کے ساتھ ہیں، پنجاب ملک بھر کے کھلاڑی کی فلاح کے لیے ہم وقت موجود ہیں۔
ماہر کھیل نے کہا کہ کھلاڑی کے لیے اگلے مالی بجٹ میں تاریخی پیکج لا رہے ہیں۔
اولمپئن زاہد شریف دل کے عارضہ میں ہیں اور انہوں نے حکومت سے صحت و دیگر امور پر معاونت کی اپیل کی ہے۔
وہاب ریاض نے ان کی اپیل پر نوٹس لیتے ہوئے ماہانہ وظیفے کا اعلان کیا۔
زاہد کی حالت کے بارے میں جیو نیوز پر رپورٹ بھی نشر کی گئی۔
