ہمیں جادو ٹونے کے طعنے دینے والی مریم نواز خود سیاسی چڑیل ہے، شہبازگل

5

 آپ سرٹیفائیڈ چور ہے ملک کو لوٹ کر صرف منی لانڈرنگ کی ہے عوام نے آپ کو ہر طرح سے مسترد کردیا ہے۔(فوٹو : فائل)

آپ سرٹیفائیڈ چور ہے ملک کو لوٹ کر صرف منی لانڈرنگ کی ہے عوام نے آپ کو ہر طرح سے مسترد کردیا ہے۔(فوٹو : فائل)

 اسلام آباد: وزیراعظم عمران خان کے معاون خصوصی شہباز گِل کا کہنا ہے کہ سیاسی چڑیل ہمیں جادو ٹونے کے طعنے دے رہی ہے، یہ بھی بتادیں کہ آپ کے پیسے کون سے جنات یا چڑیلوں نے بیرون ملک منتقل کیے۔

اسلام آباد میں پریس کانفرنس کرتے ہوئے شہبازگل نے مریم نواز کو سیاست تک محدود رہنےکا مشورہ دیتے ہوئے کہا کہ نوازشریف روزنہیں ہر دوسو سال بعد پیدا ہوتے ہیں، پہلے نواز شریف میر جعفر کی شکل میں پیدا ہوئے تھے۔ انہوں نے مزید کہاکہ شہید بننے کے لیے جعلی رپورٹس بنا کرباہرنہیں جایاجاتا، اس کے لیے سب سےقیمتی چیزجان نچھاورکرنی ہوتی ہے۔

شہباز گل کا کہنا تھا کہ جادو ٹونے کی باتیں ہمیں نہ سنائیں، جادو ٹونے اور جنات کی باتیں آپ کے منہ سے اچھی نہیں لگتیں، سیاسی چڑیل ہمیں جادو ٹونے کے طعنے دینے کے بجائے یہ بتائے کہ بیرون ملک آپ کے پیسے کس چڑیل یا جن نے منتقل کیے۔ مریم نوازبتائیں اپارٹمنٹ کہاں سےلیے، کیا رسیدیں دیں ، کیا تہہ خانےمیں کام کرنےوالےجنات پیسہ بنارہے تھے؟

وفاقی وزیربرائے موسمیاتی تبدیلی زرتاج گل نے بھی مریم نواز پر الزامات کی بوچھاڑ کی اور تنقید کے نشتر برسائے، انہوں نے مریم نواز کو چوروں کی سرغنہ قرار دیتے ہوئے کہا کہ یہ ملک میں سرٹیفائیڈ چورنی ہیں جن کا پورٹ فولیو لوگوں کو بلیک میل کرنا اور قابل احترام ادروں کی تضحیک کرنا ہے۔

انہوں نے کہا کہ آپ سرٹیفائیڈ چور ہے ملک کو لوٹ کر صرف منی لانڈرنگ کی ہے عوام نے آپ کو ہر طرح سے مسترد کردیا ہے، آپ سزا یافتہ مجرم ہے۔زرتاج گل نے مزید کہا ووٹ کو عزت کے نعرے پر عمل کریں اوراپنے بھگوڑے والد کو واپس لائیں۔

 

جواب چھوڑیں

آپ کا ای میل ایڈریس شائع نہیں کیا جائے گا.