بھارتی فوج کی خاتون لیفٹیننٹ کرنل نے خودکشی کرلی

6

خاتون لیفٹیننٹ نے گھریلو مسائل کے باعث خودکشی کی تاہم تحقیقات جاری ہیں، پولیس

خاتون لیفٹیننٹ نے گھریلو مسائل کے باعث خودکشی کی تاہم تحقیقات جاری ہیں، پولیس

مہاراشٹر: بھارت میں خاتون لیفٹیننٹ کرنل نے ٹریننگ اسکول میں خودکشی کرلی۔

بھارتی میڈیا کے مطابق 43 سالہ خاتون لیفٹیننٹ کرنل نے ریاست مہاراشٹرا میں ملٹری انٹیلیجنس ٹریننگ اسکول میں خودکشی کرلی، خاتون لیفٹیننٹ کی لاش ٹریننگ اسکول کے کمرے سے برآمد ہوئی جہاں انہوں نے گلے میں ڈوپٹہ ڈال کر زندگی کا خاتمہ کرلیا۔

پولیس کے مطابق خاتون لیفٹیننٹ کا تعلق اترکھنڈ سے ہے اور ان کو جے پور میں تعینات کیا گیا تھا، خاتون لیفٹیننٹ کی شادی بھی کرنل رینک کے آفیسر سے ہوئی تھی جس کے ساتھ طلاق سے متعلق معاملات چل رہے تھے۔ پولیس کا کہنا ہے کہ خاتون لیفٹیننٹ نے خودکشی اپنے گھریلو مسائل کے باعث کی تاہم اس حوالے سے تحقیقات جاری ہیں۔

جواب چھوڑیں

آپ کا ای میل ایڈریس شائع نہیں کیا جائے گا.